සේවිකාව දුෂණය කලැයි ශ්‍රේෂ්ඨාධිකරණ විනිසුරු ආබෘ ට එරෙහිව නඩු

0
965

මේ වසරේ ජූනි 26 වැනිදා හෝ ආසන්න දිනයක ගෙදර සේවිකාව දූෂණය කළැයි ශ්‍රේෂ්ඨාධිකරණ විනිශ්චයකාර සරත් ද ආබෘට එරෙහිව නීතිපති නියමයෙන් කොළඹ මහාධිකරණයේ නඩු පවරා ඇත.

දණ්ඩ නීති සංග්‍රහයේ 365 බී වගන්තිය යටතේ චෝදනා දෙකක් මත නඩුව ගොනු කර තිබේ.

ශ්‍රේෂ්ඨාධිකරණ විනිසුරුවරයෙකුට එරෙහිව ගොනු කළ ප්‍රථම නඩුව මෙයයි.

තිස්නව හැවිරිදි ගෘහ සේවිකාව ගල්කිස්ස පොලිසියට කළ පැමිණිල්ල අනුව මෙම නඩුව පවරා තිබේ.

මේ අතර මෙම විනිසුරුවරයාට එරෙහිව ගල්කිස්ස ප්‍රධාන මහේස්ත්‍රාත් උසාවියේ තවත් නඩුවක් පවරන ලෙස නීතිපති පොලිසියට උපදෙස් දී ඇත.

ගෙදර සේවයකළ පුද්ගලයෙකුට පහර දුන්නැයි එම නඩුවේ චෝදනාවෙන් කියැවේ.

ලබන ජනවාරියේ සිට බලපැවැත්වෙන පරිදි සරත් ද ආබෘ පසුගිය ඔක්තෝබර් මාසයේ සිය ධූරයෙන් විශ්‍රාම ගැනීමේ ලියැවිලි ඉදිරිපත් කර ඇතැයි දැනගන්නට තිබේ.

ඔහුට රාජකාරි කිරීමට ඉඩ නොදෙන්නැයි ශ්‍රීලංකා නීතිඥ සංගමය අගවිනිසුරුවරයාගෙන් ඉල්ලීමක්ද කර තිබිණ.

Comments

comments

NO COMMENTS

LEAVE A REPLY